منتدى طلبة جامعة الحاج لخضر- باتنة -

أفلام الشباب

استعرض الموضوع السابق استعرض الموضوع التالي اذهب الى الأسفل

default أفلام الشباب

مُساهمة من طرف زائر في الإثنين ديسمبر 15, 2008 6:12 pm


  1. بسم الله الرحمن الرحيم


    اليوم يايب لكم موضوع .بس قبل كل شي
    .طبعا مو كل الشباب ((البعض )) ها ((البعض)),,,ولا بعض الشباب والله قول وفعل ((مثلي خخخ))..((شكله بيطقوني الشباب)) محد يزعل شباب بس هذا الصج,
    وانشاء الله المره اليايه اييب لكم ((افلام البنات ))همن اهم عندهم افلام مو بس الشباب
    والحين اخليكم مع افلام الشباب ((البعض )),,(((البعض))مو الكل ,,,اعيد واكرر ((البعض مو الكل)).,,,.سمعووووو :-

    1...في اول مكالمه مع البنيه" الووو حبيبتي تدرين انا نايم ..... بس اول ماشفت رقمج طار النوم من عيوني ....
    << جذاااب الخفا ش, بس ساعتين نوم والباجي هياته >>

    2... " حبيبتي انا كنت سهران ماعرفت انام بس افكر فيج واسرح في جمالج
    << مشلوعه عينك جذاب كنت سهران طايحله كوت بوسته مع الربع .... ولا تدري عن البنت >>:

    3... " حبيبتي انا احب البنت اذا تبي تطلع تستأذن مني اول ....موخوفي عليج لازم يخليني اعرف وين تروحين وين تيين!!!!!
    <<اللللللله يالصواريخ .... عشان يعرف وين رايحه ويقولها شوفي الصدفه حتى انا رايح هناك >>>

    4..."حبيبتي يابعد عمري انتي
    <<< اذا كل وحده بعد عمرك...... عيل جم مجموع عمرك !!!!!؟؟؟؟؟ >>>

    5..." حبيبتي تدرين انا ودي اغير سيارتي مليت منها ودي اشتري غيرها بس محتار ...
    << هع هع هع .. اهم شي يعني شوفي ترى ا نا ولد فلوس ,,, ماتدري,,,كاااشخ ومفلس >>>

    6..." حبيبتي متى ودج اروح بيتكم عشان اطلب ايدج من ابوج ....
    <<< هذا ويهي ...بو شلاخ بس شاطر يعلق بنات خلق الله ويعشمهم ,, .. >>>


    7..." حبيبتي الباب يدق اكيد هذا راعي المصبغه يايب ملابسي ... لاني ماحب غسيل البيت
    << ,, كركركركركركر ,, اللي يدق الباب الديانه ,, يبون فلوسهم منك >>>>

    8..." حبيبتي انتي اول وحده تملك احساسي وقلبي وكل مشاعري , غيرتي كياني وبدلتي حياتي ...
    <<< ايا الملعون ... من اي فيلم حافظ هالمقطع >>>

    9..." حبيبتي يايب لج هديه حلوه حيل,,, اكيد راح تعجب ذوقج لاني يايبها لج من ... زارا ..
    <<<بايقها من اخته !!!! ويقول زارا >>>

    10... " حبيبتي انتي اول بنت حبيتها بصدق واخلاص ,, وراح تثبت لج الايام
    <<< , هع هع هع هع ,,اكيد راح تثبت الايام ..... بس بالعكس...>>>

    11..." حبيبتي حبيبتي تدرين شنو حلمت فيه وانا نايم ؟؟؟؟؟ انج يايه لين عندي .وبقميص ابيض .. كنج ملاك ..... الخ .<<الباجي مشفر >> .
    وكنت طاير من الفرح <<<

    الصاروخ واضح ..... لااااااااا تعليق >>>

    12..." حبيبتي اشتقت لج تدرين اني توني ماسك تليفوني بدق عليج .. بس سبقتيني
    <<< يا سبحان الله ,, يا محاسن الصدف .. والبنت ضحيه واااا عليه وتصدق >>>

    13..." حبيبتي حبي لج كان من قبل ماشوفج لان قلبي كان يقولي عن جمالج ..
    << صح صح صح !!!!! اشلون فهمني اشلون كان يقولك ,,, ساحر انت >>>

    15..." حبيبتي .. انا بروح اصلي لانه اذن خليني الحق على المسجد قبل ما يقيم....
    <<< عمرك ماركعت. يعني الحين بتسوي فيها مطوع !!!!>>>

    16..." حبيبتي .. تعودت كل سنه اصيف في سويسرا ,, بس السنه ودي اغير مليت ...
    <<< يعني وين بتروح كل سنه قاعد منثبر بالديره .. مخلص علينا الاكسجين >>>

    17..." حبيبتي .. لحظه اشوي عندي ويتنج << انتظار .. شاسوي دايما يزعجوني ...
    البنات مايخلوني ؟!؟!؟!؟!
    <<< ماشالله صاير جون ترافولتا على زمانه >>>

    18..." حبيبتي ودي اغير اثاث الغرفه شرايج,,,,, اي لون اختار ؟؟؟ !!!! ....
    <<شدعوه بتأثث فيلا,,,كلها غرفه ربع متر >>

    19..." ,, حبيبتي ناديني واااااااااااايد ,, احب اسمع اسمي على السانج .. لسانج يحليه .. ,,طالع عسل
    <<< لايكون سيمفونيه ... ولا عاد من زين اسمك >>>

زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى